Miis Kaffi "Artigiano" & Metro Town Shoppingzentrum

Zerscht bin ich hüt Morge mal ih mies Lieblingskafi (Artigiano: www.caffeartigiano.com) gange. Dört gits dä stadtbeschti Kaffi vo Vancouver. Han bis jetzt nah keis bessers Kafi gfunde... drum isch das mies Stammkafi worde. dKaffiboys dört zaubered eim immer es Muster in Kaffi und wünsched smiländ en schöne Tag... was wünscht sich Frau meh für en schöne Tag ;-)




Hüt am Sunntig hemmer gar nied tolls Wetter gha... es hät grägnet und isch grau gsii - wie im November mit viel Nebel. Wohl das Wetter wo ihr am Samstig gha händ. Ich bin denn hüt is Metro Town Shoppingcenter gange. Das isch eis vo dä grösste in Vancouver und hät immer offe. Mer fahrt guet 30 Minute in Weste vo Vancouver mit dä Skyline. Natürlich häts eh chli viel Lüüt gha, will alli die gliechi Idee gha händ...
Es isch da eifach ziemlich tüür und ladt nied zum shoppä ih. Denn viel Sache sind tüürer als bi eus, die chan ich denn grad ih dä Schwiiz poschte... aber so isch es au guet so langed miis Sackgeld wo ich ihplandet ha ;-)