bye, bye... Vancouver...

Gester han ich nomal uh viel erlebt und es isch nomal en coole Usgang gsii. Mir sind is Planetarium gange. Dört chammer an Bode liegge und es git eh Hammer Show mit Pink Floyd Musig... isch echt cool gsii und so öppis han ich no nie gseh gha. Natürlich simmer denn au nah fein go Znacht esse... han doch nomal müese es Resti teste.

Jetzt bin ich am Flughafe am warte... gaht nah es Ziitli bis mien Flüger gaht aber es isch nied anderscht gange, denn ich han am 11i müese us miem Guesthouse use. So bin ich doch grad nah dä Abschlussbricht am töggele ;-)

Ich chan sege...
Eh uh cooli Stadt wo sehr viel zbüte hät wie kei anderi, wo ich bis jetzt gseh han. Du bisch schnell ih dä Berge, Du hesch viel Grün um dich ume und dLüüt sind uh hilfsbereit und offe.
Für die 4 Wuche wo ich da gsii bin han ich uhhhh viel gseh. Bin sehr wiit ume cho und han doch dStadt da chli unsicher gmacht ;-)
Natürlich han ich au viel Englisch glernt und chan doch wieder viel meh wo ich gange bin. Es bringt halt scho viel, wemmer dä ganzi Tsg über rede mues und au lose was lauft und gaht.
Alles ih allem - eh super und unvergesslichi Ziit... wo ich jetzt denn viel Ihdrück mit Hei bringe wird...
Bis bald ih dä Schwiiz wieder... freu mich eu wieder zgseh...

bye bye Vancouver...

Kitsiliano...

Ich glaub Vancouver möcht mich morn nied gah lah... denn hüt han ich nomal schönsti Wetter.: stahlblaue Himmel, viel Sunne und keis Wülchli. Zwar eh chli frisch aber da chammer sich ja ihpacke. Was will mer nah meh? Mues glaubs nah es paar Wuche ahhänke, grins...

Drum isch es denn hüt Morge früeh nomal us em Huus gange, denn ich han nah wölle go dä Kitsiliano Point go ahluege. Das isch au nomal en Park in Vancouver und nied wiit weg... es isch super gsii... und wemmer so gseht dStadt verwache es echts Erlebnis.

Jetzt heissts denn mal Koffer packe, dass ich denn für morn parat bin uf dä Flughafe zgha. Am Abig isch denn nomal Usgang ih dä City planed... uf das freu ich mich scho uh. Mues ja dä Stadt nah bye, bye säge... für die uh cooli und lässigi Ziit da wo ich sehr gnosse han.

Steveston

Gester Abig simmer in Steveston nah in Usgang. Das isch es ganz herzigs Fischerdorf... für mich gsehts zwar meh us wie im Wilde Weste... eh verschlafni Stadt. Nachher isch es denn nah wieter gange nach Gastown. Mir händ en uh guete Abig gha und es nomal so richtig krache lah...

Das frühere Fischerdorf Steveston an der Mündung des südlichen Arms des Fraser River an der Südwestspitze von Lulu Island, zwei Meilen westlich von Finn Slough, ist heute ein Teil der Stadt Richmond in der Region Metro Vancouver im Südwesten der kanadischen Provinz British Columbia.
Steveston ist immer noch der Heimathafen von über 600 Fischerbooten und damit von Canadas größter Fischereiflotte und daneben, gefördert durch seine Nähe zu wichtigen Lebensräumen unter anderen der Orcas ein Zentrum der Walbeobachtung.
Die 1894 erbaute Gulf of Georgia Cannery, die einmal die größte Fabrik in Britisch Kolumbien war, wurde 1994 als nationale Gedenkstätte wiedereröffnet. Sie wurde als einer der besten historischen Stätten Kanadas ausgezeichnet.

Nur nah 1 x Schuel...

Morn isch scho dä letschti Schueltag da. Es isch alles wie im Schnellzugtempo verbii gange... bin doch erscht grad da anne cho und han mies Zimmer bezoge.

Has aber uh gnosse und wird die nächste 2 Täg au nah gnüsse, bis es denn am Sunntig - am spätere Namittag - uf dä Flüger Richtig Schwiiz gaht.

Am Fritiigabig isch denn en grosse Usgang planed. Mir gönd fein go Znacht esse und denn nah uf eh Pubtour... denn es hät au nah anderi wo denn hei müend.
Evtl. gömer denn is Urban Buffet (Chinesisch und Japanisch) go esse... wo ich ja au nah als Tipp vo dä Eva becho han... da scho mal es Bildli wie das würdi usgseh...
dUswahl da vom Esse her isch gross und mer weiss amigs fascht nied ih welles das mer söll, denn alli schaffd mer ja nied ih däre Ziit.

Vancouver by night...

Da nah es paar Ihdrück vom Lookout Tower ih dä Nacht...

Central Park...

Dä Central Park isch en 90 Hektar grosse städtische Park westlich vo Metrotown uf dä Vancouver-Burnaby Grenzä. Gseht us fascht wie bi eus...

Lookout Vancouver...

Hüt hemmer nomal super Wetter gha - blaue Himmel, Sunneschii und gäg die 22 Grad.
Das han ich über dä Mittag grad müese usnütze. So bin ich ih dä Mittagspause schnell uf dä Harbour Centre Tower go fötele und am Abig denn nomal.
Isch würklich en herrliche Blick vo obe abe uf die ganzi Stadt und Umgebig...

Lookout - Harbour Centre Tower! Der faszinierende Aussichtsturm im Zentrum von Vancouvers Hafen ist ein Muss für jeden Besucher dieser faszinierenden Stadt British Columbias. Die Aussichtsplattform bietet einen Rundumblick auf Innenstadt und Umgebung, bei günstigen Wetterverhältnissen kann man sogar das der Stadt vorgelagerte Vancouver Island sehen. Mit einer Höhe von 177 Metern ist der „Harbour Centre Tower“ das grösste Gebäude in Vancouver bzw. in ganz British Columbia. Ein gläserner Aufzug führt zur Aussichtsplattform mit einer atemberaubenden Geschwindigkeit von einem Stockwerk pro Sekunde – um bis ganz nach oben zu gelangen, braucht es also weniger als 50 Sekunden!

Aquarium & Cactus...

Hüt isch sWetter gäg dä Mittag nah super gsii... blaue Himmel und Sunne. Da han ich doch dänkt rasch use nah Sache go ahluege... nur isch es denn ganz schnell dunkel worde und es isch ganz fescht cho go regne. So bin ich denn is Vancouver Aquarium gange, wommer ja au mues gseh ha, wemmer da isch. Mer hät würklich viel gseh vor allem die schöne Beluga Wale, en Huufe verschiedeni Fisch und vieles anders.







Nachher isch es denn nah is Cactus Club Cafe go Zmittag/Znacht esse gange. Eva, danke vielmals für dä super Tipp... es isch dä Hammer gsii das Esse da.
Dört han ich denn au nah mini Lehrerin troffe, wo mir amigs 2 Stund pro Wuche Privatunterricht git mit ere Schwiizerin wo nah 3 Wuche länger da isch als ich. Mir händ denn zeme nah es schöns Glas Wii gnah und dä Abig usklinge lah.
Isch ja leider min Start ih die letschti Wuche da, sniff...

Thanksgiving

Am 11. Oktober 2010 - hüt am Mäntig - isch Thanksgiving da in Kanada. Da hemmer kei Schuel gha, will das en Fiirtig isch... aber dLäde händ alli offe gha.

Thanksgiving Day ist einer der grössten Feste auf den nordamerikanischen Kontinent. In Vancouver (Britisch Kolumbien) ist dies ein Feiertag. An diesen Tag treffen sich Familie und Verwandte zum traditionellen Thanksgiving-Essen. Hauptgericht ist ein gefüllter turkey (Truthahn). Dazu gibt es reichhaltigen Auswahl an Beilagen und Nachspeisen. Natürlich darf die Cranberry Sauce (Kraanbeere – Grossfrüchtige Moosbeere) nicht vergessen werden.
Thanksgiving ist mit den deutschen Erntedankfest zu vergleichen. In Kanada wird Thanksgiving Day am zweiten Montag im Oktober und in der USA am Donnerstag vor dem letzten Sonntag im November gefeiert.
Eine von vielen überlieferten Geschichten: “Im Jahr 1620 kam eine Gruppe von Pilgervätern vom Kurs ab und strandeten bei Plymouth Rock, Massachusetts. Aus Dankbarkeit für die Hilfe der Eingeborenen Wampanoagindianer, ohne die sie den folgenden Winter nicht überlebt hätten, feierten sie zusammen ein 3-tägiges Erntedankfest im Herbst 1621.” Dabei geht es um Dankbarkeit, viel leckeres Essen und fröhlichen Beisammensein mit der Familie.

Vancouer uf 2 Rädli mit viel PS... it was great!

Gester nach Whistler han ich nah so gar kei Plän gha... denn es hät gheisse, dass es immer nah wüest wird sii. Am Morge aber - wo ich dä Lade ufe lah han - isch schönsti Wetter gsii dusse. Viel Sunneschii und blaue Himmel hät mich erwarted. Das han ich doch grad gnützt und han dä Lighthousepark wölle go ahluege, wo mir en Lehrer empfohle hät. Denn isch es tiffig los gange mit em Bus in Richtig West-Vancouver ca. 40 Minute vo dä Stadt.

Lighthouse Park Dä Lighthouse Park isch en ca. 75 Hektar grosse Park und beherbergt den Point-Atkinson-Leuchtturm, dä sich ah dä gliechnamige Südwestspitze vo West Vancouver befindet und als National Historic Site gschützt isch.
Ich chan nur säge... dä Usblick vo dört bi dem Wetter isch eifach dä Hammer gsii und unvergesslich...












Uf em Parkplatz han ich denn en flotte Kanadier kenneglernt und er hät denn gfunde: Hey, wo muesch als nächsts anne. Ich han denn gseit, dass ich nah en Park möchti go ahluege. Er hät denn gfunde... dört chöm ich mit em Bus leider nied anne. So hät er mich denn dört anne bracht und es hät sich würklich glohnt... dä Park und die Ussicht sind eimalig gsii...

Whytecliff Park - lieht innere schöne Egge vo Howe Sound mit enere zerklüftete Küste und eme spektakuläre Blick uf bunti Berge und verbiifahrendi Boot. Dä Usblick dört obe abe isch eis A und mer möcht am liebste vo däm Punkt nüme weg, denn dIhdrück vo dört obe abe sind gwaltig gsii und wird ich nie vergässe.
















Dä Jon, wo ich vorher kenneglernt han, isch denn ganz spontan gsii und hät sin Töff gholt mit zwei Helm, denn er wohnt ebe grad biem Lüchtturm wo ich vorher gsii bin.
Tja, so bin ich denn au ganz spontan gsii und er hät mir denn West-Vancouver vo dä schönste Site zeiged... es isch es mega Erlebnis gsii so dur dWälder und um sMeer zflitze und ganz anderi Ihdrück becho... han alles nomal vonere ganz andere Site kenneglernt... chan nur säge... it was great!
Han da au kei Angst müese ha... er isch also guet und sicher gfahre. Isch würklich nomal öppis ganz anders wemmer ah Orte anne chunt wommer als Tourist nied anne gaht, will mer die gar nied kennt.

Burnaby Mountain Park - isch en Park ih dä Stadt Burnaby mit Blick uf die Oberarme des Burrard Inlet. Dä Blick vo dört obe abe bi dem Wetter eifach super...






Shannen Waterfall - lieht ih meh wunderschöne Park direkt ah dä Sea to Sky Highway Flur und isch würklich au en Bsuech wert.




Restaurant Earls
Nach eusne fascht 250 Kilometer ah dä Westküste vo Vancouver simmer denn is Earls go Znachtesse. Es ich uh fein gsii. Es hät es Argus Beef geh mit Gmües und Härdöpfelstock und ich han dört mal dä obligati Truthan vom Thanksgiving chöne probiere... es isch uh lecker gsii.